Художественная книга Попурри З маланкаю ў сэрцы / 9789851555204 (Разанаў А.)

У кнігу выбраных твораў беларускага паэта, філосафа, эсэіста Алеся Разанава (1947–2021) уключаны вершы, пункціры, квантэмы, паэмы, версэты, вершаказы, зномы, якія адабраў сам паэт для сваёй анталогіі «З маланкаю ў сэрцы» ў 2019 годзе. У гэты зборнік увайшло не ўсё адабранае — у рукапісе было каля 1200 старонак, — але асноўныя кірункі творчых пошукаў аўтара ў кнізе прадстаўлены.
«…Маланка — гэта і паэтычная метафара той энергіі, якая злучае ў творчасці паэта зямлю і неба, быццё і небыццё, і метафара тых выпрабаванняў, якія выпалі на яго долю. Здаецца вельмі важным, каб чытачы маглі ацаніць творчасць Алеся Разанава, кіруючыся яго ўласнымі ўяўленнямі пра тое, якія з яго твораў з’яўляюцца найбольш істотным здабыткам для айчыннай літаратуры.» — Ганна Кісліцына, укладальнік